Gjykata e Korçës ka caktuar sot masat e sigurisë ndaj tre personave të përfshirë në një konflikt në Pogradec, ku mbeti i plagosur dhe njëri prej tyre, Alted Jolldashi.
Mësohet se Gjykata ka caktuar masën e sigurimit personal “arrest me burg” për të Kristo Lotis, Deisi Meko dhe Alted Jolldashin.
Kujtojmë se ngjarja ka ndodhur në datën 2 mars dhe sipas policisë, gjatë një konflikti me armë ka qenë Jolldashi që ka qëlluar i pari dhe më pas dy të tjerët i janë përgjigjut.
Por, sipas të vëllait të Altet Jolldashit, ky i fundit nuk ka qëlluar, por është plagosur 4 herë, në dorë, këmbë, shpatull dhe në gjoks. Ai shprehet se policia në Pogradec po mbron Deis Mekon, i cili dyshohet se është autori i plagosjes.
Ndër të tjera i vëllai i Altet Jolldashit tha se Deis Meko me persona të tjerë, pajisur me maska e armë e kanë qëlluar edhe më herët vëllanë e tij, por efektivët e Pogradecit nuk kanë marrë masa, pasi sipas tij ai i ka korruptuar.